Rusiya ordusu Ukraynanın 25 PUA-sını vurub

Rusiya Silahlı Qüvvələrinin hava hücumundan müdafiə qüvvələri Ukrayna ordusunun növbəti PUA hücumunu dəf edib.

Bu barədə Rusiya Müdafiə Nazirliyi məlumat yayıb.

Bildirilir ki, martın 12-nə keçən gecə Rusiya hava hücumundan müdafiə sistemləri Ukraynanın 25 pilotsuz təyyarəsini ələ keçirib və məhv edib:

Moskva vilayəti - 2, Leninqrad vilayəti - 1, Kursk vilayəti - 11, Bryansk vilayəti - 1, Olovsk vilayəti - 2, Belqorod vilayəti - 7, Tula vilayəti - 1.

Qeyd edək ki, Orlovsk vilayətinin qubernatoru Andrey Klıçkov bildirib ki, vurulan PUA-lardan biri yanacaq-energetika kompleksinin obyektinə düşüb. Nəticədə neft bazasında neft məhsulları olan çən yanıb.