Ərdoğandan Putinə sərt cavab: "Ayıb olsun!" (VİDEO)

"Nə Rusiyaya, nə də başqa bir ölkəyə birbaşa hərbi müdahalemizdən söhbət gedə bilməz. Eyni hadisə bu gün də olsa, yenə həmin reaksiyanı verəcəyik". 

BAKU.WS-in məlumatına görə, bunu Türkiyə prezidenti Rəcəb Tayyib Ərdoğan Rusiyanın vurulan hərbi təyyarə ilə bağlı açıqlamalarına münasibət bildərərkən söyləyib. Ərdoğan "Türkiyəni islamlaşdırmağa çalışırlar" sözünə də cavab verib: "Bu necə bir cümlədir? Türkiyənin 99%-i onsuz da müsəlmandir. Belə bir yanaşma ola bilərmi? Mən indi Rusiyanı xristianlaşdırmağa çalışırlar desəm doğru olacaq?"

Türkiyəni İŞİD-dən neft almaqla günahlandıranlara da cavab verən Ərdoğan sözlərinə belə davam edib:

"Bizi İŞİD-dən neft almaqda günahlandırırlar. Rəsmi şəxslər bunu söyləyir. Çox ayıb, təəssüflər olsun. Bunu iddia edənlər sübut etməyə borcludur. Əks təqdirdə mən onları müfteri olaraq qəbul edəcəm. İŞİD-in pul və silah qaynağı Əsəd rejimi və onun havadarları tərəfindən verilir. İŞİD-in ən böyük dəstəkçisi Əsəd rejimidir. Türkiyə hazırda nefti də, təbii qazı da hardan aldığı bəllidir. Ən böyük idxalı Rusiyadan edirik. İkinci ən çox ixdalı isə İrandan edirik", - deyə Ərdoğan əlavə edib.

Şahin Həbibov

BAKU.WS