"Fənərbağça" futbolçusuna ağır itki - FOTO

Türkiyənin "Fənərbağça" klubunun futbolçusu Umut Nayir körpəsini itirib.

BAKU.WS xəbər verir ki, kədərli xəbəri onun həyat yoldaşı Enfal Diner Nayir sosial şənəkə hesabında paylaşıb.

"Dünən həkim müayinəsinə getdiyimiz zaman 16 həftəlik körpəmizin ürəyinin dayandığını öyrəndik. Bu gün körpə qızımızla vidalaşdıq. Ümid edirik ki, bizə və dərdimizə hörmət edərək lazımi həssaslıq göstərəcəksiniz”.

Daha sonra "Fənərbağça" klubu sarı-göylü futbolçu Umut Nayirin körpəsinin vəfatı ilə bağlı başsağlığı verib.

Klubun internet saytında paylaşılan mesajda "Oyunçumuz Umut Nayir və onun dəyərli həyat yoldaşı Enfal Diner Nayirin 16 həftəlik körpəsinin vəfat xəbərini kədərlə öyrəndik. Oyunçumuza və ailəsinə başsağlığı veririk", - deyə qeyd olunub.

Qalereya