Azərbaycanın bəzi torpaqları geri qaytarılacaq - Nalbandyandan ŞOK AÇIQLAMA

Ermənistanın xarici işlər naziri Edvard Nalbandyan sensasion bəyanatla çıxış edib.BAKU.WS-in məlumatına görə, VI ümumerməni “Ermənistan-Dispora” forumunda çıxış edən E.Nalbandyan işğal edilən torpaqların bir hissəsinin qaytarılacağını istisna etməyib.Nazir ilk dəfə olaraq Qarabağ probleminin tənzimlənməsi çərçivəsində Azərbaycana işğal altında olan ərazilərin qaytarılmasından danışıb.“Söhbət o ərazilərdən gedir ki, Qarabağa nə təhlükəsizlik baxımından, nə də inkişaf nöqteyi-nəzərindən təhlükə yaratmır. Digər təfərrüatları açıqlasam, danışıqlar irəliləməz”, - E.Nalbandyan bildirib.Daha əvvəl isə Ermənistan prezidenti Serj Sarkisyan forumda bəyan edib ki, Qarabağ münaqişəsinin həlli insan hüquqlarının həyata keçirilməsindən və beynəlxalq prinsiplərin tətbiqindən asılıdır.S.Sarkisyan deyib ki, Ermənistanın mövqeyi dəyişməyib: “Qarabağın əhalisinin də azad və təhlükəsiz şəkildə yaşamaq hüququ var.”BAKU.WS