İşğaldan azad olunmuş ərazilərimizdən yeni görüntülər (FOTO/VIDEO)

20 ildən çoxdur ki, erməni işğalında olan Füzuli rayonunun Çocuqmərcanlı kəndi ərazisində yerləşən Lələ Təpə zirvəsi 2016-cı ilin aprel ayında azad olundu.

BAKU.WS xatırladır ki, ötən il aprelin 2-dən 5-dək davam edən döyüşlərdə işğaldakı ərazilərimizin bir qismi düşməndən təmizləndi. 

Azərbaycan ordusu əməliyyatları 2 istiqamətdə apardı. Bunlar Tərtər-Ağdam-Ağdərə və cənubda Xocavənd-Füzuli-Cəbrayıl istiqamətləri idi. 

Hər iki zonada ordumuzun uğurlu əks-həmlə əməliyyatları zamanı bir neçə kəndi Silahlı Qüvvələrimizin nəzarətinə keçdi. Bununla da mövqelərimiz Ağdərə, Xocavənd rayonlarına və Sərsəng su anbarına yaxınlaşdı. Lələtəpə yüksəkliyində indi Azərbaycan əsgəri durur. 

Horadiz istiqamətində də düşməni bir neçə kilometr ərazidə geri otuzduran ordumuz strateji əhəmiyyətə malik mövqelərə yiyələndi. İndi Cəbrayıl rayonunun Cocuq Mərcanlı və Mehdili kəndi yaxınlığındakı mövqelər Azərbaycan ordusunun nəzarətindədir. 

İşğaldan azad edilən strateji Lələ Təpə yüksəkliyinə ən yaxın kənddən və Horadizdən olaraq, çəkdiyimiz görüntüləri oxuculara təqdim edirik:

Aytən.H

BAKU.WS