SOCAR və “Baker Hughes” Azərbaycanda sualtı nasosların yığılması üzrə birgə mərkəz yaradacaq
![SOCAR və “Baker Hughes” Azərbaycanda sualtı nasosların yığılması üzrə birgə mərkəz yaradacaq](https://baku.ws/storage/photos/thumbs/large/1716458582_20890f4d-d797-3ed0-ac4f-87a17f7123a8_850.webp)
Azərbaycan Dövlət Neft Şirkətinin (SOCAR) neft və qaz hasilatı üzrə strukturu “Azneft” İstehsalat Birliyi və ABŞ-nin “Baker Hughes” şirkəti Azərbaycanda sualtı elektrik mərkəzdənqaçma sualtı nasoslarının yığılması və texniki xidməti üzrə birgə mərkəzin yaradılması barədə razılığa gəliblər.
Bu barədə SOCAR-dan məlumat verilib.
“Bakıda “Baker Hughes” ESP texnologiyasının Azərbaycanda tətbiqi və elektrik mərkəzdənqaçma sualtı nasoslarının yığılması, təmiri və texniki xidməti üzrə ölkədə birgə mərkəzin yaradılması üzrə Öhdəlik Məktubunun imzalanması mərasimi keçirilib”, - Azərbaycan Dövlət Neft Şirkətinin məlumatında qeyd edilib.
Müqavilə mayın 22-də “Baker Hughes” şirkətinin Xəzər regionu üzrə direktoru Karlo Beltram və SOCAR-ın “Azneft” İstehsalat Birliyinin baş direktoru Əli Qurbanov arasında imzalanıb.
“Bütün hasilat proseslərini optimallaşdırmaqla səmərəliliyin artırılması və karbohidrogen hasilatının artırılması üçün şirkətlər arasında da razılıq əldə olunub”, - məlumatda deyilir.
Xatırladaq ki, “Baker Hughes” dünyanın aparıcı neft və qaz xidmətləri şirkətlərindən biridir. Şirkətin xidmətlərinə qazma, ehtiyatın qiymətləndirilməsi, yataqların işlənməsi və s. daxildir. Onun qərargahı ABŞ-nin Texas ştatının Hyuston şəhərində yerləşir. Şirkətin 120-dən çox ölkədə 54 000 işçisi var.
Oxşar xəbərlər
Bakıda beynəlxalq forum keçirilib: Prezident tədbirdə iştirak edib - YENİLƏNİB - FOTO
Aprelin 23-də ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib. BAKU.WS xəbər verir ki, Azərbaycan Respublikasın...