Gürcü politoloq: Əsirlərin dəyişdirilməsi Azərbaycanla Ermənistan arasında münasibətlərdə yeni səhifədir
![Gürcü politoloq: Əsirlərin dəyişdirilməsi Azərbaycanla Ermənistan arasında münasibətlərdə yeni səhifədir](https://baku.ws/storage/photos/thumbs/large/1701978590_60ced399-179c-3fe6-97b0-751d667c54cd_850.webp)
"Əsirlərin dəyişdirilməsi prosesi Azərbaycanla Ermənistan arasında münasibətlərdə yeni səhifə açıldığını nümayiş etdirir".
Bu fikri "Report"un Gürcüstan bürosuna xarici siyasət elmlər doktoru, politoloq Malxaz Qulaşvili Azərbaycan və Ermənistan arasında əsirlərin dəyişdirilməsi prosesini şərh edərkən deyib.
"Bu, Qafqazda sülhün yaradılması üçün mühim addımdır. Çünki regionun iqtisadi inkişafı Azərbaycan və Ermənistan arasındakı sülh prosesindən asılıdır", - politoloq bildirib.
Onun sözlərinə görə, sülh olarsa, Orta Dəhliz inkişaf edəcək ki, bu da yeni iş yerləri, ölkələrin iqtisadiyyatının güclənməsi və regionun inkişafı deməkdir.
M.Qulaşvili qeyd edib ki, baş verən xoşniyyətli addımlardan sonra mütləq sülh müqaviləsi imzalanmalıdır: "Qafqaz ölkələrinin liderləri elə addım atmalıdırlar ki, regionda mütləq sülh olsun. Erməni xalqı üçün də bu çox vacibdir.
Onlar da başa düşməlidirlər ki, başqasının ərazisinə göz tikmək lazım deyil. Təzyiqlərdən canlarını qurtarıb dərindən nəfəs alsınlar. İnanırıq ki, tez zamanda bütün bunlar olacaq".
Politoloq vurğulayıb ki, dinc azərbaycanlılara işgəncələr verən, qətlə yetirən şəxslərin kimliyindən asılı olmayaraq mütləq cəzası verilməlidir.
Oxşar xəbərlər
Prezident İlham Əliyev Bakıda keçirilən beynəlxalq forumda çıxış edib - YENİLƏNİB + FOTO/VİDEO
Dekabrın 6-da ADA Universitetində Azərbaycan Respublikasının Prezidenti İlham Əliyevin iştirakı ilə ADA Universitetinin və Beynəlxalq Münasibətlərin Təhlili Mər...