Bakıya gələn Dubay şahzadəsi qardaşının ölümündən yazdı (FOTO)
![Bakıya gələn Dubay şahzadəsi qardaşının ölümündən yazdı (FOTO)](https://baku.ws/storage/photos/thumbs/large/1442723356_1.webp)
BƏƏ-nin vitse-prezidenti və baş naziri, Dubayın Əmiri Şeyx Məhəmməd bin-Rəşid Əl-Maktumun oğlu Hamdan bin Məhəmməd bin Rəşid əl-Maktum qardaşının qəfil ölümündən yazıb.
BAKU.WS-in məlumatına görə, şahzadə qardaşı Rəşid bin Məhəmməd Əl Məktumun bu günə kimi ən yaxşı dostu olduğunu bildirib:
"Bu gün uşağlığımın çempionu, mənim əziz qardaşımı Rəşidi itirdim. O həmişə xatirəmizdə yaşayacaq", - deyə şahzadə qeyd edib.
![](https://baku.ws/storage/photos/thumbs/aspect/1442723477_12.webp)
Xatırladaq ki, 28 yaşlı şeyx Həmdan bin Məhəmməd bin Rəşid ötən ilin dekabr ayında Bakıya gəlmişdi. Dubay Şahzadəsi şeyx Həmdan bin Məhəmməd bin Rəşid bir neçə gündür ki, Azərbaycandadır. O, ölkəmizə 10-15 nəfərlik qohum-dostları ilə birgə gəlib. Şahzadə Bakıda bahalı otellərdən birində gecələyib. Paytaxtın görməli yerlərini gəzib, çəkdiyi şəkilləri paylaşıb. Daha sonra o, ətrafı ilə birlikdə Bakıdan kənarda ova çıxıb. Qonaqlar Hacıqabul rayonunun Qarasu və Muğan kəndlərində şahin və bəzgək quşları ovlayıblar. Ova adətən avtomobillərlə gələn ərəblərin ixtiyarında helikopter də olub.
Fotolardan məlum olur ki, ərəblər rayonları helikopterlə də dolaşıblar. Dubay Şahzadəsi Qəbələdə də olub, kanatda gəzib. "Fazza” ləqəbilə şerlər yazan Şahzadə Dubayın şeyxi Məhəmməd bin Rəşid əl-Məktumun 19 övladından biridir. "Forbes”in dünyanın ən zəngin varisləri sırasında olan gənc oğlanın varidatı 18 milyard dollar dəyərindədir.
Şeyx Həmdan Dubay əmirliyi taxtına əsas varis hesab olunur. 32 yaşlı şahzadə əsil şərq nağıllarının qəhrəmanı kimi yaşayır. O, vaxtının çoxunu dəvə təsərrüfatına, at çapmaq dərslərinə, şahin quşu ilə ov etməyə, "Formula 1” yarışlarına həsr edir. Dubay taxtına sahib olmaq üçün şeyx Həmdan aktiv siyasətlə də məşğul olur.
Bir müddət öncə ərəb zənginləri üç həftəyə yaxın Mil düzündə - Kür-Araz ovalığının cənub-qərb hissəsində ova gəlmişdilər. Onların arasında Qətər əmirinin oğlanları, qardaşları olub. İnternetdə yayılan kadrlardan görünür ki, Qətər şeyxləri iki 6 təkərli "Gelandewagen”, "Range Rover Cabrio” və daha 8 yolsuzluq avtomobili ilə paytaxtda şütüyürlər. Onlar ərəb nömrəsilə gəzdikləri avtomobillərini Bakıya Dubay aviareysi ilə gətirmişdilər. Ərəblər ov zamanı Saatlı rayonu ərazisində, Mil düzündə çadırlar quraraq orada qalıblar.
Neftçala ərazisində isə bəxtləri gətirməmişdi. Dəyəri yarım milyon dollardan artıq olan avtomobilləri palçığa batmışdı. "Mercedes Benz”, "Gelandewagen”i eyni markalı digər avtomobillə çıxarmaq cəhdi uğursuz alındığından avtomobillər aşıb. Turistlərin köməyinə yerli neftçalılar gəlib, aşmış avtomobilləri traktorla ərazidən çıxardıblar.
Ərəb şeyxlərini Azərbaycana gətirən zəngin təbiətdir. Son vaxtlar zəngin şəxslərin Azərbaycana marağının artması ölkədə VİP turizmin, ümumiyyətlə turizm bazasının inkişafından xəbər verir. Turizm sahəsinin mütəxəssisləri bu marağı ilk növbədə Azərbaycanın beynəlxalq arenada təqdimatı ilə əlaqələndirirlər.
ŞAHİN Həbibov
BAKU.WS
![](https://baku.ws/storage/photos/thumbs/aspect/1442725188_12048456_10207836592175407_1023383106_n.webp)
Oxşar xəbərlər
Bakıya gələn Dubay şahzadəsinin qardaşı öldü (FOTO)
Bakıya gələn Dubay şahzadəsi Həmdan bin Məhəmməd bin Rəşidin qardaşı Rəşid bin Məhəmməd Əl Məktun qəflətən ölüb. BAKU.WS-in məlumatına görə, bu barədə ərəb mət...