Olimpiya mükafatçısı Sergey Jelanov Azərbaycan millisində məşqçi oldu

1980-ci il Yay Olimpiya Oyunlarının mükafatçısı, Rusiyanın atletika üzrə milli komandasının sabiq məşqçisi Sergey Jelanov Azərbaycan milli komandasının məşqçilər heyətinə qoşulub.

BAKU.WS xəbər verir ki, bu barədə Azərbaycan Atletika Federasiyasının mətbuat xidməti məlumat yayıb.

Təcrübəli mütəxəssis yığmanın hazırlıq prosesinə qoşulacaq. Jelanov atletlərin məşq proqramlarının təkmilləşdirilməsi və qarşıdakı yarışlara hazırlıq prosesində iştirak edəcək.

Qeyd edək ki, Sergey Jelanov uzun illər atletika sahəsində məşqçi kimi fəaliyyət göstərib və Rusiya milli komandasının məşqçilər heyətində çalışıb.