Rusiyada azərbaycanlılar arasında dava: ölən var

Rusiyanın Sankt-Peterburq şəhərində azərbaycanlılar arasında dava olub. 

BAKU.WS-in məlumatına görə, hadisə şəhərin "Apraksin Dvor" ticarət mərkəzində qeydə alınıb. Azərbaycanlılar arasında dava zamanı 31, 28 və 32 yaşlı üç nəfərə bıçaqla xəsarət yetiriblər.

Yaralananlardan biri xəstəxanaya aparılarkən yolda dünyasını dəyişib. Digər iki nəfər isə Marinski xəstəxanasına yerləşdirilib. Yaralananlardan biri qarnından, digəri isə kürəyindən bıçaq xəsarəti ilə xəstəxanaya gətirilib. 

Hadisə ilə bağlı cinayət işi açılıb. Polis hadisənin baş vermə səbəblərini araşdırır. 

ŞAHİN Həbibov

BAKU.WS