Mərkəzi Univermaqdan 50 minlik qızıl oğurlandı

Bakının Səbail rayonunda yerləşən Mərkəzi Univermaqdan oğurluq edilib. BAKU.WS-in Report-a istinadən verdiyi məlumata görə, həmin univermaqda qızıl alqı-satqısı ilə məşğul olan Vidadi Rəhimov satış üçün nəzərdə tutulan dəyəri 50 min manat olan qızıl-zinət əşyalarının oğurlanması barədə polisə məlumat verib. İlkin araşdırmalar zamanı qızılların Vidadi Rəhimovun satıcısı Sevda Qəhrəmanova tərəfindən götürüldüyü məlum olub. Faktla bağlı Səbail Rayon Polis İdarəsinin (RPİ) 9-cu Polis Bölməsinin əməkdaşları araşdırmaları davam etdirir. Ziya Səccad BAKU.WS