Bakıda küçədə iki "bomj"un meyiti tapıldı

Dünən Bakıda küçədə 2 nəfərin meyiti tapılıb.
BAKU.WS "Report"a istinadən xəbər verir ki, oktyabrın 20-si saat 9 radələrində Nərimanov rayonu Əhməd Rəcəbli küçəsi ev 4/6-nın qarşısında naməlum kişi cəsədi tapılıb. Ölən şəxsin 1977-ci il təvəllüdlü R.Anatoliyeviç olması müəyyən edilib.
Oxşar hadisə dünən saat 6 radələrində Yasamal rayonunda baş verib. Şamil Əzizbəyov küçəsi ev 68-in qarşısında üzərində zorakılıq əlamətləri olmayan kişi meyiti tapılıb. Onun 1970-ci il təvəllüdlü A.Rzayev olması müəyyənləşib.
Bildirilib ki, hər iki şəxs evsiz olub və tüfeyli həyat tərzi sürüblər.
Onların havaların soyuması ilə keçirdikləri ağır xəstəliklərin nəticəsində həyatlarını itirməsi ehtimal edilir.
Oxşar xəbərlər
152, 4 milyon manatlıq narkotik dövriyyədən çıxarılıb
Bu ilin 8 ayında Azərbaycan Respublikası Daxili İşlər Nazirliyinin təşkilatçılığı və digər aidiyyəti qurumların nümayəndələrinin iştirakı ilə 1041 hektar sahədə...
