Bakıda aptekdən alınan körpə qidasından QURD ÇIXIB - AQTA nəzarətə götürdü

Azərbaycan Qida Təhlükəsizliyi Agentliyi (AQTA) körpə qidasında çıxan qurdla bağlı yayılan məlumatla bağlı açıqlama verib.

BAKU.WS xəbər verir ki, qurumdan bildirilib ki, məsələ nəzarətə götürülüb və fakt üzrə araşdırmalara başlanılıb.

Qeyd olunub ki, araşdırmanın nəticələrinə uyğun olaraq müvafiq tədbirlər görüləcək.

***15:54

Bakının Nərimanov rayonunda yerləşən Kanon aptekdə satılan körpə qidası ilə bağlı narahatedici iddia irəli sürülüb.

BAKU.WS-in "qaynar xətt"inə daxil olan müraciətdə bildirilir ki, Heydər Əliyev prospekti 87 ünvanına yaxın ərazidə fəaliyyət göstərən apteklərin birindən alınan körpə qidasında qurd aşkar edilib. Müraciət edən şəxs bununla bağlı video və foto sübutları "qaynar xətt"imizə göndərib.

Şikayətçi vurğulayıb ki, bu cür hal azyaşlıların sağlamlığı üçün ciddi risk yaradır və məsələnin araşdırılması vacibdir.