Bakıda FHN və polisdən gecə əməliyyatı

Bu gün gecə saatlarında Bakıda əməliyyat keçirilib.

Fövqəladə Hallar Nazirliyindən BAKU.WS-ə verilən məlumata görə, nazirliyin "112” qaynar telefon xəttinə Bakı şəhəri, Qaradağ rayonunda döyüş sursatının aşkarlanması barədə məlumat daxil olub.

Dərhal Nazirliyin müvafiq qurumları hadisə yerinə cəlb olunub. Aşkar edilmiş "BK-125” maraklı mərminin hissəsi mütəxəssislər tərəfindən zərərsizləşdirilib.

Nazirliyin mütəxəssisləri hüquq-mühafizə orqanlarının əməkdaşları ilə birlikdə əraziyə əlavə baxış keçirmiş və başqa şübhəli əşya aşkar etməyiblər.

Əməliyyat saat 22:32-də başa çatıb.

BAKU.WS