İsmayıllı rayonunda baş verən ağır qəzanın görüntüləri yayılıb.
BAKU.WS xəbər verir ki, qəzaya düşərək aşan mikroavtobusun görüntülərini təqdim edirik:
***11:48
İsmayıllı rayonunda ağır yol-nəqliyyat hadisəsi baş verib.
BAKU.WS APA-ya istinadla xəbər verir ki, hadisə bu gün saat 10:30 radələrində Muğanlı-İsmayıllı yolunun Bilzan kəndi ərazisindən keçən hissəsində qeydə alınıb.
Bakıdan Qəbələyə turistləri aparan “Mercedes-Benz” markalı sərnişin mikroavtobusu “VAZ 2106” markalı minik avtomobili ilə toqquşub. Hadisə zamanı 2 nəfər ölüb, 15-ə yaxın yaralı var.
Əraziyə FHN-in xilasediciləri, polis əməkdaşları və təcili tibbi yardım stansiyasının işçiləri cəlb olunub. Yaralılar İsmayıllı və Şamaxı rayon xəstəxanalarına aparılıblar.
Faktla bağlı araşdırma aparılır.