13,99%-dən ZAMİNSİZ, KOMİSSİYASIZ NAĞD KREDİT

 

 

 

BAKU.WS Türkmənistan sərhəddində cəsədi tapılan neftçi ilə bağlı yeni məlumatlar əldə edib. 
 
Dənizdən meyiti çıxarılan 1960-ci il təvəllüdlü Qasımov İman Şura oğlu Kəlbəcər rayon sakinidir. İman 4 uşaq atasıdır. Cəsədi tapılan İman Qasımov ailəsinə göndərdiyi ürək sızladan "Arzu salamat qal" mesajı ilə bütün Azərbaycanı göz yaşlarına boğmuşdu. 

4 övlad sahibi İman Qasımov 32 ildir ki, mühəndis kimi çalışırdı. Dənizin onu udduğu gün isə nəvəsi dünyaya göz açıb. Dörd övladı, həyat yoldaşı, anası, bütün qohumları və tanışları Xəzərin amansızlıqla udduğu neftçinin sağ-salamat tapılmasını gözləyirdi, amma təəssüf ki...
 
Şahin Həbibov
BAKU.WS 

 

 

  

 ***13:07*** 
 
 
"Günəşli" yatağının 10-cu özülündə baş vermiş yanğın nəticəsində itkin düşən neftçilərdən biri Türkmənistan sərhədində tapılıb.
 
BAKU.WS-in əldə etdiyi məlumata görə, artıq itkin düşən neftçinin kimliyinə də aydınlıq gəlib. Dənizdən meyiti çıxarılan şəxs Qasımov İman Şura oğludur. Neftçinin meyiti yaxın vaxtlarda ailəsinə təhvil veriləcək. 
 
***11:54*** 
 
"Günəşli" yatağının 10-cu özülündə baş vermiş yanğın nəticəsində itkin düşənlərdən yeni xəbər var. 
 
BAKU.WS-in etibarlı mənbədən əldə etdiyi məlumata görə, itkin düşən neftçilərdən biri artıq tapılıb. Mənbənin bildirdiyinə görə, meyiti tapılmış neftçi barəsində yaxın saatlarda məlumat veriləcək. İtkin düşən neftçinin Xəzərin Türkmənistan hissəsində aşkarlandığı deyilir. Hazırda aşkar olunmuş neftçinin şəxsiyyəti müəyyənləşdirilir. 
 
Xatırladaq ki, dekabrın 4-də axşam saatlarında "Günəşli" yatağındakı 10-cu dərin dəniz özülündə yanğın baş verib. SOCAR-dan verilən məlumata görə, yanğına səbəb güclü tufanın saat 17:40 radələrində yataqdakı 10-cu dərin dəniz özülündə qaz xəttini sıradan çıxarması olub. 

Rəsmi məlumata görə, hadisə zamanı platformada 63 nəfər olub. Onlardan 7-nin meyiti tapılıb, 33 nəfər təxliyyə olunub, 23 nəfərin taleyi isə hələlik naməlumdur. Onlar itkin düşmüş elan edilib.

Hazırda axtarışları davam etdirilən şəxslər aşağıdakılardır: 

1. Qasımov İman Şura o. 01.12.1967
2. Qasımov Mübariz Dilqəm o. 21.01.1958
3. Rzaxanov Edik Rivazin o. 15.01.1983
4. Babazadə Tural Fətəli o. 01.09.1993
5. Quliyev Əzizağa Nöhbala o. 16.09.1953
6. Rəsulov Elşad Balaoğlan o. 24.03.1971
7. Qasımov Bayram Mirzəağa o. 20.03.1978
8. Abdullayev Adil Ələkbər o. 19,02,1953
9. Əbdüləzizov Əbdüləziz İsmayıl oğlu 30.01.1954
10. Şirəliyev İzzət Qəmbər o. 10.05.1973
11. Nəcməddinov Qəmərşah Nəcməddin o. 20.09.1978
12. Niyazov Seyfəddin Abil o. 09.02.1968
13. İskəndərov İnqilab Osman o. 29.11.1957
14. Mayborda Oleq Akimoviç 21.11.1971
15. Əhmədov Canbaxış Əhməd o. 21.02.1962
16. İbrahimov Xalid Bəşir o. 12.08.1971
17. Həsənov Zaur Vahid o. 24.12.1975
18. Cəriyev Vəli Kiçikağa o. 22.04.1967
19. Hüseynov Bəhlul Sirac o. 25.11.1969
20. Səmədov Xoşbəxt Xanış o. 26.09.1981
21. Xəlilov Zaur Arif o. 15.09.1975
22. Şahmarov Sahib Güloğlan o. 02.08.1973
23. Əliyev Əyyub Xəlil o. 22.07.1973

BAKU.WS