Bitkoin 7 ayın ən aşağı səviyyəsinə düşdü

ABŞ-dən gələn iqtisadi göstəricilər və bu məlumatların Federal Rezervdən gözlənilən faiz endirim ehtimallarını azaltması səbəbindən investorlar risk iştahını itirir. Bu da kripto valyutalarda itkilərin artmasına gətirib çıxarıb.

BAKU.WS xəbər verir ki, nəticədə, Bitkoin 83 819 dollarla son 7 ayın ən aşağı səviyyəsinə geriləyib və son 24 saatda təxminən 9% dəyər itirib. Son 7 gündə isə qiyməti 13,54% azalıb.

İkinci ən böyük kripto valyuta olan Ethereum isə son 24 saatda 10% dəyər itirərək 2 727 dollara düşüb, son 7 gündə isə 15% itki qeydə alınıb.