Azeri Light neftinin qiyməti 127,6 dollara yüksəldi

Dünya bazarında Azərbaycan neftinin qiymətində artım qeydə alınıb.

BAKU.WS xəbər verir ki, "Azeri Light" markalı neftin bir barelinin qiyməti 1,01 dollar və ya 0,8% artaraq 127,6 dollara çatıb.

Hərraclarda "Brent" markalı neftin dekabr fyuçersləri 127,97 dollara satılıb.

Türkiyənin Ceyhan limanında FOB bazasında "Azeri Light" neftinin bir bareli isə 1,51 dollar və ya 1,31% bahalaşaraq 116,4 dollar olub.

Qeyd edək ki, Azərbaycanın builki dövlət büdcəsində bir barel neftin orta qiyməti 65 dollar götürülüb.

"Azeri Light" neftinin ən aşağı qiyməti 2020-ci il aprelin 21-də 15,81 dollar, ən yüksək qiyməti isə 2008-ci ilin iyulunda 149,66 dollar təşkil edib. Bu markalı neft "Azəri-Çıraq-Günəşli" yataqlar blokunda hasil olunur. Layihədə SOCAR-ın payı 35,3%-dir.