Ukraynada fövqəladə elektrik kəsintiləri tətbiq edilib

Ukraynanın Dnepropetrovsk vilayətində və Kiyevin nəzarətində olan Donetsk vilayətinin bəzi bölgələrində fövqəladə elektrik kəsintiləri tətbiq olunub.

BAKU.WS xəbər verir ki, bu barədə Ukraynanın enerji şirkəti DTEK-ə istinadən "RIA Novosti" xəbər yayıb.

Dnepropetrovsk Vilayət Hərbi Administrasiyasının rəhbəri Serqey Lısak, bölgənin enerji infrastrukturunun zərər gördüyünü bildirib.

Qeyd edək ki, Rusiya 2022-ci ilin oktyabrın 10-dan etibarən Ukraynadakı hərbi obyektlərə və infrastruktur qurğularına zərbələr endirməyə başlayıb. Hücumlar Kırım körpüsündə baş verən partlayışdan iki gün sonra intensivləşib.