Türkiyə Qərbi nüvə təhlükəsi riski barədə xəbərdar edib

Türkiyə Ukrayna münaqişəsi səbəbindən nüvə təhlükəsi riskini nəzərə alaraq Qərbi mütəmadi olaraq xəbərdar edir və bu məsələdə davamlı əlaqə saxlayır.

BAKU.WS xəbər verir ki, bu barədə "RİA Novosti" məlumat yayıb.

"Təbii ki, nüvə münaqişəsi ilə bağlı narahatlıqlar var. Vəziyyət bu risklə bağlı ciddi narahatlığa səbəb olur. Qərb tərəfdaşlarımızla əlaqələr zamanı bu məsələ daim qaldırılır və biz bu risk barədə xəbərdarlıq edirik" ,- agentlik mənbənin sözlərindən sitat gətirib.

Bundan əvvəl Macarıstanın xarici işlər naziri Peter Siyyarto bəyan etmişdi ki, ABŞ Prezidenti Co Bayden Ukrayna Silahlı Qüvvələrinə (USQ) Rusiyanın ərazisinin dərinliklərinə zərbə endirməyə icazə verməklə dünyanı qlobal fəlakətə sürükləyir.

O həmçinin əlavə edib ki, Baydenin prezidentlikdən getməsi və yeni seçilmiş prezident Donald Trampın andiçməsinə qədər dünyanı daha iki "təhlükəli ay" gözləyir.