Trampdan NATO-ya sərt tənqid

ABŞ Prezidenti Donald Trump NATO-nun İranla bağlı hərbi dəstək verməməsini tənqid edib və bu vəziyyətin onu məyus etdiyini bildirib.

BAKU.WS xəbər verir ki, Tramp İrlandiya Baş naziri Mişel Martin ilə görüşündə deyib ki, Hürmüz Boğazının təhlükəsizliyi üçün Avropadan gözlədikləri dəstəyi ala bilməyiblər. O, ABŞ-nin boğazı açıq saxlamaq üçün heç kimin köməyinə ehtiyacı olmadığını, amma NATO üzvlərinin bölgədə məsuliyyət daşımalı olduğunu vurğulayıb.

Tramp qeyd edib ki, İranın hərbi gücü zəifləsə də, Tehra­n hələ də dəniz minaları ilə təhlükə yarada bilər. O, Avropa ölkələrinin minatəmizləmə gəmiləri ilə dəstək olmasını istədiyini, lakin bu tələbə cavab verilmədiyini söyləyib.

Jurnalistlərin "ABŞ NATO-dan çıxacaqmı?" sualına cavab olaraq Tramp bildirib ki, hazırda belə bir planı yoxdur, amma NATO məsələsi yenidən nəzərdən keçirilməlidir.