Trampdan iddialı açıqlama: ABŞ tezliklə Marsa insan göndərəcək

ABŞ Prezidenti Donald Tramp ölkəsinin yaxın gələcəkdə Marsa pilotlu kosmik missiya həyata keçirməyi hədəflədiyini açıqlayıb.

BAKU.WS xəbər verir ki, Vaşinqtonda ABŞ-nin Müstəqillik Bəyannaməsinin imzalanmasının 250 illiyinə həsr olunan tədbirdə çıxış edən Tramp bildirib ki, Marsa insan göndərilməsi artıq uzaq perspektiv deyil.

Onun sözlərinə görə, bu istiqamətdə ilk mərhələ Ay missiyasının uğurla həyata keçirilməsi olacaq.

Prezident qeyd edib ki, Ay proqramından sonra ABŞ kosmik tədqiqatlarda növbəti addım kimi Marsa pilotlu uçuşu reallaşdırmağı planlaşdırır.

Tramp çıxışında həmçinin xatırladıb ki, ilk prezidentlik dövründə onun administrasiyasının təşəbbüsü ilə ABŞ Kosmik Qüvvələri yaradılıb və bu addım ölkənin kosmos sahəsində imkanlarının genişləndirilməsinə xidmət edib.