Tramp İstanbuldakı danışıqlara Putinə görə getməyib

ABŞ Prezidenti Donald Tramp Ukrayna ilə bağlı keçiriləcək danışıqlarda iştirak etməmək qərarına gəlib.

BAKU.WS xəbər verir ki, bu barədə "Fox News" telekanalının aparıcısı canlı efirdə məlumat verib.

"Aydın oldu ki, Putin iştirakçılar siyahısında yoxdur, bundan sonra Amerika rəsmiləri prezidenti [Trampı] mümkün iştirakçılar siyahısından çıxardılar," – deyə aparıcı bildirib.

Rusiya Prezidenti Vladimir Putin 15 may tarixində Ukrayna ilə birbaşa danışıqlara başlamağı təklif edib. Danışıqların keçiriləcəyi yer isə İstanbul olub.

Qeyd edək ki, 2022-ci ildə də Rusiya və Ukrayna nümayəndələri İstanbulda münaqişənin həlli yollarını müzakirə etmişdilər.