Tayvan yaxınlığında 21 Çin hərbi təyyarəsi və 7 gəmi aşkarlanıb

Tayvan yaxınlığında 21 Çin hərbi təyyarəsi və 7 gəmi aşkarlanıb.

BAKU.WS xəbər verir ki, Tayvan Müdafiə Nazirliyinin "X" sosial şəbəkəsində verdiyi məlumata görə, Çin Xalq Azadlıq Ordusuna (PLA) məxsus 21 hərbi təyyarə və 7 hərbi gəmi Tayvan adası ətrafında müşahidə edilib.

Onlardan 7-si Tayvan Boğazının orta xəttini keçib.

Bildirilib ki, 14 Çin təyyarəsi Tayvanın şimal və cənub-qərb hava hücumundan müdafiə zonalarına (ADIZ) daxil olub, həmçinin bu müddət ərzində 1 Çin müşahidə şarı qeydə alınıb.

Qeyd edək ki, Tayvan 1949-cu ildən özünüidarəetməyə malikdir. Pekin isə adanı Çin Xalq Respublikasının ayrılmaz hissəsi hesab edir.