Azərbaycanda qoşulub qaçan cütlük ot tayasından tapıldı
Yeniliklərdən dərhal xəbərdar olun
Sabirabad rayonunda 17 yaşlı oğlanın yeniyetmə qızı qaçırmasının təfərrüatı məlum olub.
BAKU.WS Oxu.Az-a istinadən bildirir ki, Cavad kənd sakini olan 17 yaşlı oğlan 2011-ci il təvəllüdlü qızla sosial şəbəkədə tanış olublar. Bir müddət yazışandan sonra ailə qurmaq qərarına gəliblər. Bu məqsədlə oğlan digər kənddə yaşayan 15 yaşlı qızı qaçırıb, amma öz evlərinə gətirməyib.
Onlar kənd ərazisindəki sahibi Rusiyada yaşayan boş evə gələrək orada gizlənmək istəyiblər. Lakin evin qapısı bağlı olduğundan içəri girə bilməyiblər. Çarəsiz qalan cütlük həyətdəki köhnə ot tayasında özlərinə yer edib, orada gizləniblər.
Dünən axşam saatlarında polis əməkdaşlarının keçirdikləri əməliyyatla qız və oğlan ot tayasında aşkarlanıblar. Onlarla profilaktik söhbət aparılıb və ailələrinə təhvil veriliblər.
*** 15:33
Sabirabad rayonunda evlənmək məqsədi ilə 17 yaşlı oğlan tərəfindən qaçırılan 15 yaşlı qız tapılıb.
BAKU.WS Oxu.Az-a istinadən bildirir ki, onların kənd ərazisində gizləndikləri yer müəyyən edilib. Gənc oğlan və yeniyetmə qız polis tərəfindən aşkarlanaraq ailələrinə təhvil veriliblər.
Oxşar xəbərlər
Qızılağac Milli Parkında qanunsuz ov edən şəxs saxlanılıb
Qızılağac Milli Parkının ərazisində qanunsuz ov edən şəxs saxlanılıb. BAKU.WS xəbər verir ki, bu barədə Daxili İşlər Nazirliyinin Mətbuat xidmətinin Lənkəran re...