Stubb və Tramp NATO ilə bağlı məsələləri müzakirə ediblər

Finlandiya Prezidenti Aleksandr Stubb və ABŞ Prezidenti Donald Tramp telefon danışığı zamanı NATO ilə bağlı məsələləri müzakirə ediblər.

BAKU.WS "Report"a istinadən xəbər verir ki, bu barədə Stubb "X" sosial şəbəkəsindəki hesabında bildirib.

"ABŞ Prezidenti Donald Trampla konstruktiv telefon danışığım oldu. Biz NATO, Ukrayna və İrandakı vəziyyət barədə fikir mübadiləsi apardıq. Problemlərin həllini birlikdə axtarmaq vacibdir", - o yazıb.