Şimali Kiprdə batan gəmidə ölənlərin sayı 13-ə çatdı

Şimali Kiprin Girnə şəhəri sahillərində batan sərnişin gəmisində ölənlərin sayı 13-ə yüksəlib.

BAKU.WS xəbər verir ki, bu barədə Şimali Kiprin Baş naziri Ünal Üstel "X" hesabında məlumat yayıb.

Onun sözlərinə görə, daha bir nəfərin cəsədi tapılıb. Hazırda 15 nəfər itkin hesab olunur.

Axtarış-xilasetmə əməliyyatlarına özəl şirkətlərin cəlb ediləcəyi, həmçinin Türkiyə ilə məsləhətləşmələrin aparılacağı bildirilib.

Qeyd edək ki, hadisə avqustun 30-da Girnə sahillərində baş verib.