Rusiyanın bu vilayətində internet məhdudlaşdırılacaq

Rusiyanın İrkutsk vilayətinin bir sıra ərazilərində terror təhlükəsi səbəbi ilə mobil rabitənin sürəti 256 Kbit/s ilə məhdudlaşdırılacaq.

BAKU.WS xəbər verir ki, bu barədə regional hökumət öz Telegram kanalında məlumat yayıb.

Bildirilib ki, antiterror mühafizəsini gücləndirmək üçün bəzi yaşayış məntəqələrində yüksək hazırlıq rejimi tətbiq edilib. Alarsk, Zalari, İrkutski, Kazaçinsko-Lenski, Usolski, Ust-Kutski, Çeremxovski, Şelexovski, Katangski və Jiqlovski rayonlarının, həmçinin Anqarsk şəhər dairəsinin bəzi ərazilərində rabitənin məhdudlaşdırılması gözlənilir.

Qeyd olunur ki, internet sürəti məhdud olsa belə, vətəndaşlar mətn mesajları və kiçik fotoşəkillər mübadiləsi edə biləcəklər.