Rəsmi Moskva: Marsel Baş Konsulluğumuzdakı partlayışda terror hücumu əlamətləri var

Marsel Baş Konsulluğumuzdakı partlayışda terror hücumu əlamətləri var. Bunu Rusiya Xarici İşlər Nazirliyinin sözçüsü Mariya Zaxarova deyib.

BAKU.WS xəbər verir ki, TASS xəbər agentliyinə açıqlama verən Zaxarova ölkəsinin Marseldəki Baş Konsulluğu ərazisində baş verən partlayışla bağlı danışıb.

"Rusiyanın Marseldəki Baş Konsulluğunun ərazisində baş verən partlayışlar terror hücumu əlamətləri daşıyır. Fransa hakimiyyətindən bu hadisə ilə bağlı hərtərəfli araşdırma aparılması üçün təcili tədbirlər görməsini tələb edirik", – deyə Zaxarova vurğulayıb.

Kremlin sözçüsü Dmitri Peskov isə Marseldəki Baş Konsulluqda baş verən partlayış səbəbindən "dost olmayan" ölkələrdə yerləşən Rusiya diplomatik nümayəndəliklərində təhlükəsizlik tədbirlərinin gücləndirilməsinin vacib olduğunu bildirib.