Rusiya çempionu olan idmançı ölü tapıldı - GÜLLƏLƏNİB

Ağırlıq qaldırma üzrə beynəlxalq idman ustası Vladimir Feşşenko Moskvanın mərkəzində ölü tapılıb.

BAKU.WS xəbər verir ki, bu barədə çərşənbə axşamı, yanvarın 13-də "Baza" teleqram kanalı məlumat yayıb.

Bildirilib ki, idmançının meyiti yanvarın 13-nə keçən gecə Olxovskaya küçəsindəki binalardan birində tapılıb. O, başından güllə yarası alıb. Kişi hadisə yerində ölüb.

Hadisə yerinə FSB və Hərbi İstintaq Komitəsinin əməkdaşları gəlib. Hazırda hadisənin bütün halları ilə bağlı araşdırma aparılır.