Putin Pezeşkiyana hədiyyələr verdi

Rusiya Prezidenti Vladimir Putin İran Prezidenti Məsud Pezeşkiyana rus milli hədiyyələri təqdim edib.

BAKU.WS xəbər verir ki, bu barədə jurnalist Pavel Zarubinin Telegram kanalında yayımlanan video görüntülərdə qeyd olunub.

Liderlər arasında keçirilən danışıqlardan sonra təşkil olunan mətbuat konfransından sonra Putin Pezeşkiyana qış mənzərəsini əks etdirən bir rəsm əsəri hədiyyə edib.

"Hörmətli cənab Prezident, bu, Rusiyaya səfərinizin xatirəsi olaraq sizə təqdim olunur. Rusiya qışda məhz belə görünür", - deyə Putin bildirib.

Bundan əlavə, Rusiya Prezidenti həmkarına samovar da hədiyyə edib.

"Bu isə bizim ənənəvi məhsulumuz - samovardır", - deyə o əlavə edib.

Qeyd edək ki, iyun ayında Putin Şimali Koreya lideri Kim Çen Ina Aurus markalı avtomobil və çay servisi hədiyyə etmişdi. Əvəzində isə Putin Şimali Koreya rəhbərindən öz portreti əks olunan bir neçə bədii əsər almışdı.