Pakistanlı alpinist Daulat Şah faciəli şəkildə həyatını itirdi

31 yaşlı pakistanlı alpinist Daulat Şah Gilgit-Baltistan bölgəsində buz divarına dırmaşarkən yıxılaraq həyatını itirib.

BAKU.WS Pakistan Alp Klubunun məlumatına istinadən xəbər verir ki, Şah bölgədə xarici turistlə birlikdə dırmanış edirdi.

Dırmanış zamanı yıxılan alpinist hadisə yerində ölüb.

O, daha əvvəl dünyanın ikinci ən hündür zirvəsi olan K2 də daxil olmaqla 8 min metrdən yüksək dağlara qalxmışdı.
Şah 2025-ci ildə Gaşerbrum I zirvəsinə də əlavə oksigen istifadə etmədən çatmışdı.

Çin sərhədində yerləşən Gilgit-Baltistan bölgəsində hündürlüyü 8 min metrdən çox olan 14 zirvə var.

Son illərdə bölgədə dırmanışlar zamanı bir neçə alpinist həyatını itirib.