Ötən sutka ərzində Qəzzada 14 nəfər həyatını itirib

Ötən sutka ərzində Qəzzada 14 nəfər öldürülüb. Ölümlərin əksəriyyəti Fələstin anklavının şimal hissəsində qeydə alınıb.

BAKU.WS xəbər verir ki, bu barədə "əl-Cəzirə" telekanalı məlumat yayıb.

Kanal bildirib ki, 7 oktyabr 2023-cü ildən bəri İsrailin Fələstinə qarşı hərbi əməliyyatları nəticəsində 42 010 nəfər ölüb, 97 720 nəfər isə yaralanıb.

Qeyd edək ki, 2023-cü il oktyabrın 7-də Həmas yaraqlılarının Qəzzadan İsrail ərazisinə qəfil hücum etməsi, İsrailin sərhəd qəsəbələrinin sakinlərini öldürməsi və qadınlar, uşaqlar, qocalar da daxil olmaqla 250-dən çox insanı girov götürməsi ilə Yaxın Şərqdə gərginlik yenidən alovlanıb.