Ölən əri ilə 19 il əvvələ aid fotolarını paylaşdı

Mərhum aktyor Rasim Öztekinin həyat yoldaşı Esra Kazanbaşı sosial şəbəkə paylaşımı ilə hərkəsi kövrəldib.

BAKU.WS xəbər verir ki, o həyat yoldaşı ilə evlilyinin 19 ilinin tamam olduğunu qeyd edərək nigah fotolarını paylaşıb.

Esra şəkillərə "Düz 19 il əvvəl bu gün... Sonsuz sevgi... Rasimim kitabından... " şərhini yazıb.

O daha sonra sözlərinə belə davam edib:

"Rasim nigahımızda mənim əllərimdən tutdu. "Yaxşı gündə, pis gündə, xəstəlikdə və sağlamlıqda, səni həyat yoldaşı kimi qəbul edirəm. Sən nə deyirsən?" - deyə soruşdu. "Bəli" sözünü ürəkdən gələn səslə söylədim. Biz rəsmi olaraq həyat yoldaşı olduq. Bir-birimizə sarılıb, doğmalıq hiss etdik".

Xatırladaq ki, Rasim Öztekin 2021-ci ildə vəfat edib.

Aktyor "Seksenler" serialının "Fehmi babası" obrazı ilə yaddaşlarda qaldı.