Neft bazasına PUA zərbəsi anbaan videoya düşüb

Stavropol diyarında neft bazasına PUA zərbəsi anı videoya düşüb.

BAKU.WS Telegram kanalı Mash-a istinadən xəbər verir ki, Stavropol diyarının Svetloqrad şəhərində neft bazasına pilotsuz uçuş aparatının (PUA) zərbə vurduğu anın videosu yayımlanıb. Kadrlarda dronun saxlanc sahəsinə düşdüyü və partlayışın baş verdiyi görünür.

Bundan əvvəl regionun qubernatoru Vladimir Vladimirov obyektə edilən hücum barədə məlumat vermişdi. Onun sözlərinə görə, hadisə nəticəsində xəsarət alan olmayıb və hazırda hadisə yerində təcili xidmətlər çalışır.

Rusiya Müdafiə Nazirliyi daha əvvəl 1 noyabr cümə gecəsi Rusiya üzərində altı regionda 83 Ukrayna pilotsuz təyyarəsinin hava hücumundan müdafiə vasitələri tərəfindən vurulduğunu bildirib. 36 PUA Kursk vilayəti üzərində, 20-si Bryansk, dördü Oryol, üçü Belqorod üzərində, daha 12-si isə Krım üzərində məhv edilib.