Moskvada dayanacaqda təlim qumbarası tapılıb, ərazi mühasirəyə alınıb

Rusiyanın paytaxtı Moskvanın şimal-şərqində yaşayış binasının yanındakı dayanacaqda tapılan təlim qumbarası ərazinin mühasirəyə alınmasına səbəb olub.

"Report" xəbər verir ki, bu barədə TASS-a operativ xidmətlərdən məlumat verilib.

Məlumata görə, dayanacaqda qumbaraya bənzər əşya tapılıb. Ərazi mühasirəyə alınıb, hadisə yerinə gələn istehkamçılar müəyyən ediblər ki, qumbara təlim xarakterlidir və təhlükə yaratmır.

Bildirilib ki, əşya tədqiqata göndəriləcək. Onun kimə məxsus ola biləcəyi və dayanacağa necə düşdüyü araşdırılır.