İsrail Qəzzaya humanitar yardımın girişini dayandırdı

İsrail hökuməti Qəzza zolağına humanitar yardımın daxil olmasını müvəqqəti dayandırıb.

BAKU.WS xəbər verir ki, bu barədə Baş nazir Binyamin Netanyahunun ofisi məlumat yayıb.

Bildirilib ki, Netanyahunun qərarına əsasən, bu gün səhər saatlarından etibarən Qəzzaya hər cür humanitar yardımın girişinə maneə qoyulub. Səbəb kimi atəşkəs və əsir mübadiləsi ilə bağlı razılaşmanın 42 günlük birinci mərhələsinin başa çatması, İsrailin irəli sürdüyü yeni danışıqlar təklifinin HƏMAS tərəfindən qəbul edilməməsi göstərilib.

Məlumata görə, İsrailin təklif etdiyi danışıqlar planı ABŞ prezidenti Donald Trampın Yaxın Şərq üzrə xüsusi nümayəndəsi Stiv Vitkoff tərəfindən hazırlanıb. Lakin HƏMAS bu təklifi qəbul etmədiyi üçün humanitar yardımların dayandırılması qərara alınıb.