Fransada François Burqata "terrorizm təbliğatı" ittihamı irəli sürülüb

Fransada prokurorluq sosial şəbəkələrdə Qəzza ilə bağlı paylaşımlarına görə siyasi şərhçi və politoloq François Burqat barəsində 8 ay təxirə salınmış həbs və 4 min avro cərimə cəzası tələb edib.

BAKU.WS heberler.com-a istinadən xəbər verir ki, Aix-en-Provence Cinayət Məhkəməsində keçirilən prosesdə Burqatın İsrailin Qəzzaya hücumlarına dair 2 yanvar 2024-cü il tarixində etdiyi paylaşımlar əsas gətirilərək ona qarşı "terrorizm təbliğatı" ittihamı irəli sürülüb. Məsələ Avropa Yəhudi Təşkilatının şikayəti əsasında başlanıb.

Prokuror həmçinin Burqatın 6 ay müddətinə X (Twitter) hesabından paylaşım etməsinin qadağan edilməsini də istəyib.

Burqat məhkəmədə verdiyi ifadəsində 7 oktyabr 2023-cü ildə baş verən hadisələrlə bağlı HƏMAS-ı heç vaxt təqdir etmədiyini bildirib.

Xatırladaq ki, Burqat 9 iyul 2024-cü ildə "terrorizm təbliğatı" ittihamı ilə saxlanılsa da, eyni gün sərbəst buraxılmışdı.

Qeyd edək ki, məhkəmə qərarını 28 mayda açıqlayacaq.