Ermənistan-Rusiya arasında gərginlik: Məhsullar geri qaytarıldı

Rusiya sərhəd orqanları Ermənistandan ixrac olunan kənd təsərrüfatı məhsullarının ölkəyə buraxılmasından imtina edib.

Erməni KİV-lərinin yaydığı məlumata görə, gavalı, şaftalı və üzüm yükləmiş yüzlərlə yük maşını geri dönməyə məcbur qalıb.

Rusiya tərəfi məhsulların fitosanitar normalara uyğun gəlmədiyini əsas gətirib.

Ermənistan parlamentinin "Ermənistan" fraksiyasından deputat Qarnik Danielyan isə bildirib ki, yaranmış vəziyyət yalnız iqtisadi deyil, eyni zamanda siyasi məzmun da daşıyır.