Əhaliyə vacib XƏBƏRDARLIQ - Bu gün birbaşa…

Alimlər 4 sentyabr, cümə axşamı günü Günəşin şimal yarımkürəsində qeyri-adi plazma tullantısı qeydə alıblar.

BAKU.WS xəbər verir ki, bu barədə Rusiya Elmlər Akademiyasının Kosmik Tədqiqatlar İnstitutunun Günəş Astronomiyası laboratoriyası və Sibir bölməsinin Günəş–Yer fizikasının İnstitutu məlumat yayıb.

"Plazma adətən müşahidə edildiyi kimi maqnit halqası formasında deyil, birbaşa şüa şəklində, Günəş səthinə iti bucaq altında yönəlmiş şəkildə atılıb," – deyə açıqlamada bildirilir.

Alimlərin fikrincə, bu hadisə zəif partlayışdan sonra maqnit sahəsinin sürətli dəyişməsi nəticəsində baş vermiş ola bilər.

Bundan əvvəl, 30 avqust axşamı baş verən M2.76 sinifli partlayışdan sonra Günəş Yer istiqamətinə plazma buludu atmışdı. Əsas təhlükə isə təkrar tullantıların baş verməsi ilə bağlı idi.