"Cloudflare"də yaranan problem avropalıları McDonald's-dan məhrum edib

Cloudflare serverlərində baş vermiş nasazlıq səbəbindən Avropa İttifaqında bəzi istifadəçilər McDonald's-da yemək sifariş edə bilməyib və sifariş terminalları fəaliyyətini dayandırıb.

BAKU.WS-in məlumatına görə, Reddit-də Avropadan olan bir istifadəçi "Cloudflare"də yaranan problemə görə McDonald's-da sifariş verə bilmədiyindən şikayətlənib.

Hoster-provayderdəki problem bir neçə saat davam edib. Bu səbəbdən dünyanın müxtəlif yerlərindən istifadəçilər aşağıdakı servislərə girişdə çətinlik çəkiblər:

Sosial şəbəkə X (keçmiş Twitter)

Musiqi platforması Spotify

League of Legends, Valorant, Faceit kimi oyunlar və oyun servisləri

Bəzi istifadəçilər həmçinin ChatGPT-yə daxil ola bilmirlər.

İnternet-servislərə giriş problemləri ilə bağlı ilk şikayətlər 18 noyabr saat 15:30-da (Bakı vaxtı ilə) qeydə alınıb. Bir neçə saat ərzində şikayətlərin ümumi sayı on minlərlə olub.

Şirkət artıq problemin səbəbini müəyyənləşdirib və aradan qaldırıb. Lakin bəzi servislər hələ də əlçatan deyil. Problem dünyanın ən böyük provayderlərindən birinin infrastrukturu vasitəsilə keçən internet-trafikin əhəmiyyətli hissəsinə təsir edib.