Çində 4,4 maqnitudalı zəlzələ olub

Çinin şimal-qərbində yerləşən Cənubi Sincan bölgəsində 4,4 maqnitudalı zəlzələ qeydə alınıb.

BAKU.WS xəbər verir ki, bu barədə Avropa-Aralıq dənizi Seysmoloji Mərkəzi (EMSC) məlumat yayıb.

Yeraltı təkanlar sentyabrın 3-də baş verib. Zəlzələnin ocağı 25 kilometr dərinlikdə yerləşib.

Zəlzələnin episentri Kuçe şəhər dairəsindən 199 kilometr cənub-şərqdə, Aral dairəsindən isə 213 kilometr şərqdə qeydə alınıb.

Hadisə nəticəsində ölən və yaralananlar, eləcə də dağıntılar barədə məlumat daxil olmayıb.