Çandra 6 qalaktikada 84 sirli rentgen mənbəyi aşkarlayıb

NASA-nın "Chandra" kosmik teleskopu altı müxtəlif qalaktikada aşağı enerjili rentgen şüaları yayan 84 şübhəli obyekt aşkarlayıb.

BAKU.WS xəbər verir ki, alimlər bu obyektləri "ifrat yumşaq rentgen mənbələri" adlandırıblar. Onların qara dəlik, neytron ulduzu və ya ağ cırtdanlardan ibarət kompakt ikili sistemlər olduğu ehtimal edilir.

Adi halda bu cür sistemlərin güclü rentgen şüaları yayması gözlənilsə də, yeni aşkar edilən obyektlərin əsasən ultrabənövşəyi şüalanma yaydığı müəyyənləşdirilib.

Mütəxəssislərin fikrincə, bu sirli mənbələrin öyrənilməsi ulduzların yaranması və ulduzlararası qazın ionlaşması ilə bağlı proseslərin, həmçinin Ia tipli supernovaların necə baş verdiyinin anlaşılmasına kömək edə bilər.