Azərbaycan millisinin futbolçuları Ərdoğanla görüşüblər

Azərbaycan millisinin bir neçə futbolçusu Türkiyə Prezidenti Rəcəb Tayyib Ərdoğanla görüşüb.

BAKU.WS xəbər verir ki, Rəcəb Tayyib Ərdoğan qadınlardan ibarət "Yüksekovaspor" klubunun üzvlərini qəbul edib.

Görüşdə Azərbaycan yığmasının futbolçuları – Vüsalə Seyfəddinova, Vüsalə Hacıyeva, Jalə Məhsimova və Aytac Şərifova da iştirak ediblər.

Komandaya yeni qoşulan Sevinc Cəfərzadə isə transfer prosesinin gec tamamlanması səbəbindən tədbirdə iştirak edə bilməyib.

Xatırladaq ki, "Yüksekovaspor" ötən mövsüm 1-ci liqada çempion olaraq Superliqada oynamaq hüququ qazanıb.

Qalereya