Alimlər Yerdə 20 milyard ton ağırlığında canlılar aşkar ediblər

52 ölkədən olan bir qrup alim Yerin daxilində çəkisi 20 milyard tona qədər olan canlılar aşkar ediblər.

BAKU.WS xarici mətbuata istinadən xəbər verir ki, onlar planetin səthindən bir neçə kilometr uzaqda gizlənirlər.

Elm adamlarının mikroblar, bakteriyalar və digər mikroorqanizm növləri tapdıqları bildirilir. Mütəxəssislər qeyd edirlər ki, tapılan canlıların bəziləri planetimizin səthində də ola bilər - bu, ümumi sayın təxminən 70 faizini təşkil edir.

Mikroorqanizmlərin davranışını təxmin etmək çətindir, çünki onlar heç vaxt günəş işığını görməyiblər.

Qeyd olunur ki, sözügedən biosfer təxminən iki milyard kubmetr həcmdə ola bilər.