ABŞ qırıcıları Yəmənə zərbələr endirib: 38 ölü, 102 yaralı

İranın dəstəklədiyi husilər ABŞ hərbi təyyarələrinin Yəmənin Hudeydə şəhərində yerləşən Ras İsa limanına hava hücumu təşkil etdiyini açıqlayıb.

BAKU.WS xəbər verir ki, bu barədə son dakika məlumat yayıb. Hücum nəticəsində 38 nəfər həyatını itirib, 102 nəfər isə yaralanıb.

Husilərə məxsus "Əl-Məsirə" telekanalının yaydığı məlumata görə, ABŞ-yə məxsus döyüş təyyarələri Hudeydə vilayətinin Əs-Salif bölgəsində yerləşən Ras İsa limanını iki dəfə hədəfə alıb. Həlak olanlar arasında səhiyyə işçiləri də var. Sivil müdafiə qüvvələri hadisə yerində yanğını söndürmək və yaralıları xilas etmək üçün fəaliyyətlərini davam etdirir.

Xatırladaq ki, 7 martda husilər bəyanat verərək, İsrailin Qəzzaya humanitar yardımların girişinə icazə verməsi üçün 4 günlük möhlət tanıdıqlarını, əks halda dəniz əməliyyatlarını yenidən başlayacaqlarını bildirmişdilər.

ABŞ Prezidenti Donald Tramp isə 15 mart tarixində Truth Social platformasında yayımladığı açıqlamada, ordusuna Yəməndəki husilərə qarşı "böyük hücum" əmri verdiyini açıqlamışdı. Husi lideri Əbdülməlik əl-Husi isə cavab olaraq bildirmişdi ki, ABŞ-a məxsus təyyarə və hərbi gəmilər onların hədəfi olacaq və hücumlar davam etdiyi müddətcə dəniz səfərlərindəki maneələrə Vaşinqton da daxil ediləcək.