ABŞ-də Tramp administrasiyası dövründə 100 mindən çox viza ləğv edilib

ABŞ-də Tramp administrasiyası dövründə 100 mindən çox viza ləğv edilib.

BAKU.WS xəbər verir ki, ABŞ Dövlət Departamentinin açıqlamasına görə, Donald Trampın prezidentliyi dövründə viza ləğvlərinin sayı əvvəlki prezident Co Baydenin səlahiyyət müddətinin son ili olan 2024-cü illə müqayisədə iki dəfədən çox artıb. Məlumata əsasən, ümumilikdə 100 mindən artıq viza qüvvədən düşüb.

Vizası ləğv edilənlər arasında təxminən 8 min tələbə və 2 min 500 ixtisaslı işçi var. Bildirilir ki, bu şəxslərin əksəriyyəti cinayət fəaliyyəti və hüquq-mühafizə orqanları ilə qarşıdurmalar səbəbindən qanuni statusunu itirib.