ABŞ-də atışma: 2 nəfər ölüb, 9 nəfər yaralanıb

ABŞ-nin Nyu-Cersi ştatının Trenton şəhərində baş verən silahlı atışma nəticəsində azı 2 nəfər həyatını itirib, 9 nəfər yaralanıb.

BAKU.WS xəbər verir ki, bu barədə "Fox News" məlumat yayıb.

Məlumata görə, avqustun 30-da yerli vaxtla saat 00:25 radələrində Trenton Polis Departamentinə şəhərin yaşayış məntəqələrindən birində atışma baş verdiyi barədə məlumat daxil olub.

Hadisə yerinə gələn polis əməkdaşları güllə yaraları alan 11 nəfərlə qarşılaşıblar. Onlardan 2-nin həyatını xilas etmək mümkün olmayıb. Digər 9 yaralı isə tibbi yardım göstərilməsi üçün xəstəxanaya çatdırılıb.

Atışmanın hansı səbəbdən baş verdiyi və hadisənin arxasında kimin dayandığı hələlik müəyyən edilməyib.

Polis hadisə ilə bağlı araşdırmanı davam etdirir.