272 kiloqram arıqlayan gənci görənlər tanımadı

"Family by the Ton" şousu ilə tanınan Kesi Kinq inanılmaz dərəcədə arıqlayaraq rekord vurub.

BAKU.WS xəbər verir ki, o 2018-ci ildə verilişə qatılarkən 381 kiloqram çəkidən əziyyət çəkirdi. 7 il ərzində əzmkarlıq nümayiş etdirən gənc 272 kiloqram arıqlayaraq çəkisini 109 kiloqrama qədər endirib.

Çəki problemi ilə hələ məktəb illərindən mübarizə aparan Kinq, orta təhsilini bitirəndə artıq 136 kiloqram olub.

Bir müddət restoranlarda çalışan, lakin sonra işdən çıxaraq atasının yanına köçən Kesi, hərəkətsiz həyat tərzi səbəbindən sürətlə çəki almağa davam edib.

Proqramda yaşadığı dəhşətli çətinliklərdən danışan Kinq, standart vannalara sığmadığı üçün həyətdəki böyük bir su çənində çimib.

Hətta o, mövcud vəziyyətinə görə 40 yaşına qədər yaşayacağına ümid etmədiyini bildirmişdi.

Qalereya