16 saatlıq aralıq oruc qan şəkərinin səviyyəsini aşağı salmağa kömək edir

Mançester Metropolitan Universitetinin alimləri müəyyən ediblər ki, yemək vaxtını səkkiz saatla məhdudlaşdırmaq üç gün ərzində qan şəkərinin səviyyəsini aşağı salmağa kömək edir.

BAKU.WS xəbər verir ki, tədqiqatın nəticələri Avropa Diabetin Öyrənilməsi Assosiasiyasının (EASD) İllik Yığıncağının saytında təqdim olunub.

Tədqiqatda 15 oturaq, artıq çəkili insan iştirak edib. Könüllülər üç günlük iki yemək rejiminə riayət ediblər - 8:00-dan 16:00-a qədər yemək və 12: 00-dan 20: 00-a qədər yemək.

Qeyd olunur ki, könüllülərin bütün qruplarında qida qəbulu standart şəkildə bölüşdürülüb - subyektlər gündəlik kalorilərin 50%-ni karbohidratlardan, 30%-ni yağlardan və 20%-ni zülallardan alıblar.

Nəticələr göstərdi ki, qida qəbulunun gündə səkkiz saata məhdudlaşdırılması normal qan qlükoza diapazonunda sərf olunan vaxtı orta hesabla 3,3% artırıb və qan şəkərinin dəyişməsi azalıb.

Alimlərin fikrincə, qlükoza səviyyəsinə nəzarət etmək üçün bu üsul kalori salmaqda çətinlik çəkən insanlar üçün yaxşıdır.